மஜீட். ARM
மடவச்சிய, வெவெல்கெட்டிய பகுதியில் சுகவீனமுற்ற நிலையில் வீழ்ந்திருந்த ஆண் யானைக் குட்டி ஒன்று, வனவிலங்கு பாதுகாப்புத் துறையினர் மற்றும் கிராமவாசிகளின் தீவிர முயற்சியால் மீட்கப்பட்டு, மேலதிக சிகிச்சைக்காக உடவலவ யானைகள் சரணாலயத்திற்கு (Elephant Transit Home) பாதுகாப்பாக அழைத்துச் செல்லப்பட்டுள்ளது.
குறித்த காட்டு யானைக் குட்டி கடுமையான உடல் பலவீனமடைந்த நிலையில் காணப்பட்டதைக் கண்ட பிரதேசவாசிகள், உடனடியாக வனவிலங்கு திணைக்கள அதிகாரிகளுக்குத் தகவல் வழங்கியுள்ளனர்.
இதனைத் தொடர்ந்து சம்பவ இடத்திற்கு விரைந்த வனவிலங்கு அதிகாரிகளுடன் இணைந்து பொதுமக்கள், யானைக் குட்டிக்கு அவசர முதலுதவிகளை வழங்கி, மிகுந்த பாதுகாப்பான முறையில் வாகனத்தில் ஏற்றி உடவலவ நோக்கி அழைத்துச் சென்றுள்ளனர்.
தற்போது குறித்த யானைக் குட்டியின் உடல்நிலை மற்றும் மேலதிக சிகிச்சைகள் தொடர்பான மேற்பார்வைகளை வனவிலங்கு வைத்தியர்கள் மேற்கொண்டு வருவதாகத் தகவல்கள் தெரிவிக்கின்றன.
