ப. பாண்டி படம் மூலம் இயக்குநரான தனுஷ், அடுத்ததாக இயக்கவிருக்கும் படத்தை தற்போதைக்கு டி50 என்று அழைக்கிறார்கள். அந்த படத்தை இயக்குவதுடன், நடிக்கவும் செய்கிறார் தனுஷ்.
சந்தீப் கிஷனும், எஸ்.ஜே. சூர்யாவும் தனுஷின் சகோதரர்களாக நடிக்கிறார்கள். துஷாரா விஜயன் தனுஷின் சகோதரியாக நடிக்கிறார்.
மூன்று சகோதரர்களை பற்றிய படமாக உருவாகவிருக்கிறது டி50. இந்நிலையில் அந்த படம் குறித்து அப்டேட் வெளியாகியுள்ளது.
அருண் மாதேஸ்வரன் இயக்கத்தில் நடித்து வரும் கேப்டன் மில்லர் படத்திற்காக தலைமுடியையும், தாடியையும் நீளமாக வளர்த்து ஆள் அடையாளம் தெரியாதபடி இருக்கிறார் தனுஷ். இந்நிலையில் டி50 படத்திற்காக தலைமுடியை ஒட்ட நறுக்கி, கிளீன் ஷேவ் செய்து சின்னப் பையன் போன்று வரவிருக்கிறாராம்.
அது குறித்த செய்தியை சமூக வலைதளத்தில் பார்த்த கங்கனா ரனாவத் விளக்கம் அளித்துள்ளார். தனுஷ் இஸ் மை ஃபேப். அவருக்கு என்னால் நோ சொல்லவே முடியாது. தனுஷ் பட வாய்ப்பு என்னை தேடி வரவும் இல்லை, அதை நான் ஏற்க மறுக்கவும் இல்லை. பொய்யான செய்தியை நம்ப வேண்டாம் என்றார்.
தனுஷுக்கு நோ சொல்ல மாட்டேன் என்று கூறியிருக்கிறார் கங்கனா. பேசாமல் அவரையே டி50 படத்தில் ஹீரோயினாக்கிவிடலாமே என ரசிகர்கள் தெரிவித்துள்ளனர்.
ஒரு படத்தில் நடிக்க ஒப்புக் கொண்டால் அந்த கதாபாத்திரமாகவே மாறிவிடுவார் தனுஷ். கங்கனா ரனாவத்தும் அப்படித் தான். அதனால் அவர்கள் இருவரையும் சேர்ந்து பெரிய திரையில் பார்க்க ரசிகர்கள் ஆசைப்படுகிறார்கள்.
