நயன்தாரா
நடிகை நயன்தாரா கடந்த ஜூன் மாதம் தனது 7 ஆண்டு காதலரான விக்னேஷ் சிவனை ஊர் அறிய திருமணம் செய்து கொண்டார். திருமணம் ஆன 4 மாதங்களில் வாடகைத்தாய் மூலம் இரட்டை ஆண் குழந்தைகளை பெற்றார் நயன்தாரா. திருமணத்திற்கு பிறகும் நயன்தாராவின் சினிமா மார்கெட் சூப்பர் ஃபாஸ்ட்டில் உள்ளது. கோலிவுட், பாலிவுட் என அடுத்தடுத்து படங்களில் கமிட் ஆகி வருகிறார்.
Nayanthara: கெத்துக் காட்டும் நயன்தாரா... இனிமேதான் ஆட்டம் ஆரம்பம்... இதெல்லாம் வேறலெவல்!
மித்ரன் ஜவஹர்
இந்நிலையில் நடிகை நயன்தாரா, அடுத்து தமிழ் சினிமாவில் நடிக்கவுள்ள படம் குறித்த தகவல் ஒன்று லீக்காகி உள்ளது. அதாவது அடுத்ததாக யாரடி நீ மோகினி இயக்குநர் மித்ரன் ஜவஹர் இயக்கும் படத்தில் நடிகை நயன்தாரா நடிக்கவுள்ளதாக ஏற்கனவே தகவல் வெளியானது. யாரடி நீ மோகினி படத்தின் மூலம் இயக்குனராக அறிமுகமான மித்ரன் ஜவஹர், குட்டி, உத்தமபுத்திரன், மீண்டும் ஒரு காதல் கதை ஆகிய படங்களை இயக்கியுள்ளார்.
Losliya: எலும்பும் தோலுமாய் மாறிய லாஸ்லியா... போட்டோவால் அதிர்ச்சியான ரசிகர்கள்!
மாதவன் ஹீரோ
கடந்த சில மாதங்களுக்கு முன்பு அவர் இயக்கிய திருச்சிற்றம்பலம் திரைப்படம் வெளியானது. தனுஷ், நித்யா மேனன், பாரதிராஜா, பிரகாஷ் ராஜா, ராஷி கண்ணா, பிரியா பவானி சங்கர் உள்ளிட்ட பலர் நடித்திருந்த இப்படம் பாஸிட்டிவ் விமர்சனங்களை குவித்ததோடு வசூலிலும் பட்டையை கிளப்பியது. இந்நிலையில் இயக்குனர் மித்ரன் ஜவஹர் தற்போது புதிய படத்தை இயக்கவுள்ளார்.
இந்தப் படத்தில் சாக்லேட் பாய் நடிகரான மாதவன் ஹீரோவாக நடிப்பதாக மித்ரன் ஜவஹர் தனது சமூக வலைதள பக்கத்தில் அறிவித்தார்.
Kiara Advani: திருமணம் ஆன கையோடு கியாரா அத்வானி எடுத்த அதிரடி முடிவு... ரசிகர்கள் அதிர்ச்சி!
முதல் முறையாக மாதவனுடன்
இந்நிலையில் மித்ரன் ஜவஹர் - மாதவன் கூட்டணியில் உருவாகும் இந்தப் படத்தில் நடிகை நயன்தாரா நடிக்க உள்ளதாக தகவல் ஒன்று கசிந்துள்ளது. தமிழ் சினிமாவில் இதுவரை ரஜினி, அஜித், விஜய், சூர்யா, சிம்பு, தனுஷ், விஜய் சேதுபதி, சிவகார்த்திகேயன், ஜெயம் ரவி, விஷால் என பெரும்பாலான நடிகர்களுடன் நடித்துள்ள நயன்தாரா. மாதவனுடன் இதுவரை எந்தப் படத்திலும் நடிக்கவில்லை. இந்நிலையில் இந்த தகவல் உண்மையாக இருக்கும் பட்சத்தில் நடிகை நயன்தாரா மாதவனுடன் முதல் முறையாக இணைந்து நடிப்பார்.
திருமணம் செய்து கொள்வதாக பலமுறை பலாத்காரம் செய்தார்... நடிகையின் கணவர் மீது வெளிநாட்டு பெண் புகார்!
கடைசியாக கனெக்ட்
நயன்தாரா நடிப்பில் கடைசியாக கனெக்ட் திரைப்படம் வெளியானது. அந்தப் படம் கலவையான விமர்சனங்களை பெற்றது. இதனை தொடர்ந்து நயன்தாக ஜெயம் ரவியுடன் இறைவன் என்ற படத்தில் நடித்து வருகிறார். இதே போல் ஷாருக்கானுடன் ஜவான் படத்தில் நடித்து வருகிறார். மேலும் தனி ஒருவன் 2 படத்திலும் ஜெயம் ரவிக்கு ஜோடியாக நடிக்க பேச்சு வார்த்தை நடப்பதாக கூறப்படுகிறது.
Malavika Mohanan, Nayanthara: லேடி சூப்பர் ஸ்டாரா? மீண்டும் நயன்தாராவை சீண்டிய மாளவிகா மோகனன்!
